Baikar Blue logo.png

Ն.Ս.Օ.Տ.Տ. ԳԱՐԵԳԻՆ Բ.

ԿԱԹՈՂԻԿՈՍ ԱՄԵՆԱՅՆ ՀԱՅՈՑ

Ս. ԷՋՄԻԱԾԻՆ

Վեհափառ Տէր,

Ձեր ծննդեան 70-ամեակի առիթով կու գանք ողջունել Ձեզ եւ մաղթել երկար ու բարօր տարիներ Մայր Աթոռի ծառայութեան մէջ:

Վեհափառութեանդ իշխանութեան շրջանին Մայր Հայրեիքն ու Մայր Աթոռը անցան պատմակշիռ հանգրուաններէ ու տակաւին չեն երաշխաւորուած  անոնք ապագայի վտանգներուն դիմաց:  Մեր մաղթանքն է որ մեր ժողովուրդը հայրենիքի եւ սփիւռքի տարածքին միասնական տեսիլքով համախմբուի Մայր Հայրենիքի եւ Մայր Աթոռի շուրջ եւ փառակերտէ մեր սրբազան հողի յաւերժութիւնը` միւռոնուած Սուրբ Էջմիածնի օրհնութեամբ:

Վստահ ենք որ Հայ Առաքելական եկեղեցին պիտի շարունակէ ծաղկիլ Վեհափառութեանդ խոհեմ առաջնորդութեան ներքեւ ու յաղթականօրէն դիմակայել պատմութեան մեզի սահմանած մարտահրաւէրները:

Քաջառողջութեան սրտագին բարեմաղթութիւններով`

ՙՊԱՅՔԱՐ՚ ՇԱԲԱԹԱԹԵՐԹԻ ԽՄԲԱԳՐՈՒԹԻՒՆ

Օգոստոս 21, 2021

Պոստոն