Baikar Blue logo.png

ԵՐՈՒՍԱՂԷՄԻ ՏԱԳՆԱ՞Պ

Երուսաղէմը կը գտնուի աշխարհի ամէնէն տագնապալի քաղաքական հանգոյցներէն մէկուն վրայ:  Շրջանային եւ միջազգային ոյժերու այդ բախման կէտին վրայ պիտի ապրին եւ գործեն հայոց պատրիարքութիւնն ու միաբանութիւնը: Հետեւաբար ամէն լուր եւ զրոյց որ կը բխի անկէ` պէտք է արժանանայ պատասխանատու վերաբերումի:  Ի վերջոյ հայոց բաժինը սրբավայրերու մէջ եւ կալուածական իրաւունքները բաւական գրաւիչ գանձեր են բազում ախորժակներու դիմաց:

Վերջերս մամուլի մէջ տարբեր մեկնաբանութեանց պատճառ դարձաւ ՙԿովերուն պարտէզ՚ը կոչուած կալուածին վարձակալութիւնը 99 տարուան պայմանագրով:

Այս առիթով մենք կապ հաստատեցինք կալւածոց պատասխանատու հայր Պարէտ ծ. Վրդ. Երէցեանի հետ որ վստահեցուց որ անսովոր ոչինչ կայ այդ գործարքին մէջ եւ անցեալին ալ պատրիարքութիւնը մտած է նման գործարքներու  մէջ:

Պատրիարքութեան կալուածները կը պատկանին համայն հայութեան եւ պատրիարքարանի պարտքն է պաշտօնական զեկոյցներով իրազեկ պահել հանրութիւնը, խուսափելու համար անհարկի մեկնաբանութիւններէ: