2022 ՏԱՐԵՇՐՋԱՆԻ ԹՄՄ ՏՈՔԹ. ՆՈՒՊԱՐ ՊԷՐՊԷՐԵԱՆ ՀԻՄՆԱԴՐԱՄԻ
ԿՐԹԱԹՈՇԱԿԻ ՅԱՅՏԱՐԱՐՈՒԹԻՒՆ
Թէքէեան Մշակութային Միութեան ՙՏոքթ. Նուպար Պէրպէրեան Հիմնադրամ՚ի Տնօրէն Խորհուրդը յայտարարեց անունները 2022 տարեշրջանին կրթաթոշակի արժանացած համալսարանականներուն: Այսպէս` Minnesota Twin Cities համալսարան յաճախող քաղաքական գիտութիւններու ճիւղին հետեւող Դաւիթ Ազիզեանին (ծնած Ծովաբեր գիւղ, Հայաստան) եւ University of Maryland համալսարանը յաճախող միջազգային օրէնսդրութեան ճիւղին հետեւող Անի Մկրտչեանին (ծնած Երեւան):
Հանրայայտ լրագրող եւ խմբագիր Տոքթ. Նուպար Պէրպէրեան կը մահացայ Նոյեմբեր 23, 2016ին: Ան իր թողօնը յանձնած է Թէքէեան Մշակութային Միութեան: Միութեան Կեդրոնական Վարչութիւնը ի յիշատակ ողբացեալին հաստատեց անձեռնմխելի հիմնադրամ մը ՙՏոքթ. Նուպար Պէրպէրեան՚ անունով: Նմանապէս այս տարի լոյս ընծայեց բարերարին հրապարակագրական գործերէն ծաղկաքաղ հատոր մը` ՙՌԱԿի Անխոնջ Խմբագրապետ՚ը, թողելով մնայուն արժէք մը իր լրագրական կեանքէն ներս, խըմբագրութեամբ` Յակոբ Վարդիվառեանի:
Այս տարի հինգերորդ տարին է որ կը շնորհուի կրթաթոշակ միջազգային իրաւաբանութեան եւ քաղաքականութեան հետեւող հայ համալսարանական ուսանողներու:
2023 թուականի թեկնածուներ կրնան կապ հաստատել ԹՄՄի Տնօրէն Խորհուրդին հետ կապուելով TCADirector@aol.com